မန်ယူကစားသမားဟောင်း ဟင်းနရစ်လာဆင် ရန်ကုန်မြို့သို့ ဧပြီလအတွင်း လာရောက်လည်ပတ်မည်ဖြစ်ကြောင်းသိရ၊ ရန်ကုန်နှင့် မုံရွာမြို့တို့တွင် သရုပ်ပြခြေစမ်းပွဲများ ယှဉ်ပြိုင်ကစားရန်စီစဉ်
Page 1 of 1
မန်ယူကစားသမားဟောင်း ဟင်းနရစ်လာဆင် ရန်ကုန်မြို့သို့ ဧပြီလအတွင်း လာရောက်လည်ပတ်မည်ဖြစ်ကြောင်းသိရ၊ ရန်ကုန်နှင့် မုံရွာမြို့တို့တွင် သရုပ်ပြခြေစမ်းပွဲများ ယှဉ်ပြိုင်ကစားရန်စီစဉ်
မန်ယူနှင့် ဆွီဒင်လက်ရွေးစင် ကစားသမားဟောင်း ဟင်းနရစ်လာဆင်သည် ဇေယျာရွှေမြေအသင်းနည်းပြ စတီဗင်ဟန်ဆန်၏ ဖိတ်ကြားချက်အရ လာမည့် ဧပြီလ ပထမပတ်အတွင်း ရန်ကုန်မြို့သို့ လာရောက်မည်ဖြစ်ကြောင်း သိရှိရသည်။
ဆွီဒင်လက်ရွေးစင် တိုက်စစ်မှူးဟောင်းတစ်ဦးဖြစ်သူ ဟင်းနရစ်လာဆင်နှင့် ပတ်သက်၍ ဇေယျာရွှေမြေအသင်း၏ နည်းပြ ဆွီဒင်လူမျိုး စတီဗင်ဟန်ဆန်က " လာဆင်ဟာ ဧပြီလ ပထမပတ်အတွင်း မိသားစုနဲ့အတူ ရန်ကုန်မြို့ကို လာရောက်မှာဖြစ်ပါတယ်။ သူနဲ့အတူ သူ့မိတ်ဆွေ နာမည်ကြီးဘောလုံးသမားအချို့လည်း လိုက်ပါလာဖို့ ရှိနေပါတယ်။ သူ့အနေနဲ့ မြန်မာနိုင်ငံကို လာရောက်တာဟာ ဘောလုံးကိစ္စအတွက် မဟုတ်ဘဲ အလည်အပတ်အတွက် လာရောက်လည်ပတ်ခြင်း ဖြစ်ပါတယ် " ဟု ပြောကြားခဲ့သည်။
ဇေယျာရွှေမြေအသင်းသည် လာဆင် ရန်ကုန်မြို့သို့ ရောက်ရှိလာပါက ဇေယျာရွှေမြေအသင်းတွင် လာဆင်ကို အထူးဧည့်သည်တော်အဖြစ် ထည့်သွင်းကာ ရန်ကုန်မြို့နှင့် မုံရွာမြို့တို့တွင် သရုပ်ပြခြေစမ်းပွဲများ ယှဉ်ပြိုင်ကစားရန်လည်း စီစဉ်နေကြောင်း သိရသည်။ ဇေယျာရွှေမြေအသင်း၏ ပြန်ကြားရေးတာဝန်ခံဖြစ်သူ ဦးမြင့်ကျော်စိုးက " လာဆင် လာရောက်တဲ့အချိန်မှာ သရုပ်ပြခြေစမ်းပွဲ (၂)ပွဲ ကစားဖို့အတွက် ဇေယျာရွှေမြေအသင်း ဥက္ကဋ္ဌ ဦးသူရိန်အနေနဲ့ စီစဉ်ဆောင်ရွက်နေပါတယ်။ ဒါ့အပြင် လာဆင် ရောက်လာချိန်မှာ သရုပ်ပြခြေစမ်းပွဲ ကျင်းပနိုင်ဖို့အတွက် မြန်မာနိုင်ငံဘောလုံးအဖွဲ့ချုပ်ကိုလည်း တင်ပြထားပြီး ဖြစ်ပါတယ် " ဟု ပြောကြားခဲ့သည်။
၂၀၀၈ ခုနှစ်အတွင်းက ဂျပန်လက်ရွေးစင်ဟောင်း နာကာတာ ရန်ကုန်မြို့သို့ ရောက်ရှိလာပြီး သရုပ်ပြခြေစမ်းပွဲ၌ ပါဝင်ကစားခဲ့ပြီးနောက် လာဆင်သည် မြန်မာနိုင်ငံ၌ သရုပ်ပြခြေစမ်းပွဲကစားမည့် ဒုတိယမြောက် ကမ္ဘာ့အဆင့်ဘောလုံးသမားဟောင်း ဖြစ်သည်။
Similar topics
» မကွေး FC ကို ခြေစမ်းပွဲတွင် ရန်ကုန်ယူနိုက်တက်အနိုင်ရ၊ ယှဉ်ပြိုင်ခဲ့သည့် ခြေစမ်းပွဲ(၃)ပွဲစလုံးကို အနိုင်ရထားပြီး တိုက်စစ်မှူးသစ် ဂျူဗီနယ် ခြေစွမ်းပြလျက်ရှိ
» မလေးရှား - မြန်မာ ချစ်ကြည်ရေး ခြေစမ်းပွဲတွင် မြန်မာအသင်း ၂ ဂိုး ဖြင့် ရှုံးနိမ့်
» မလေးရှား - မြန်မာ ချစ်ကြည်ရေး ခြေစမ်းပွဲတွင် မြန်မာအသင်း ၂ ဂိုး ဖြင့် ရှုံးနိမ့်
Page 1 of 1
Permissions in this forum:
You cannot reply to topics in this forum
|
|